नळदुर्गः-दिवाळीच्या सणाला प्रत्येक जण आपापल्या घरी वाहनांची पूजा करत असतो परंतु वागदरी गावांमध्ये मिटकर कुटुंबीयांनी सामूहिक वाहन पूजनाचा केलेला उपक्रम कौतुकास्पद आहे असे मत तुळजापूर येथील सोमवार गिरी मठाचे मुख्य महंत इच्छागिरी महाराज यांनी व्यक्त केले.प्रारंभी छत्रपती शिवाजी चौकातील मुख्य ध्वजारोहणानंतर गावातील सर्व प्रकारची वाहने वाजत गाजत फटाक्यांच्या आतिषबाजीत हलग्यांच्या कडकडाटात महादेव मंदिरात एकत्र आणली गेली.राज्य पोलीस प्राधिकरणाचे उमाकांत मिटकर व महाराजांच्या हस्ते मंत्रोच्चारात सर्वांचे सामूहिक वाहन पूजन झाले. सर्व वाहनचालकांना मानाचा पंचा दिला गेला.महादेव मंदिरात झालेल्या छोटेखानी कार्यक्रमात उत्कृष्ट सजावट केलेल्या टुव्हिलर, फोर व्हीलर व इतर अवजड वाहनांना प्रत्येकी तीन हजारांची तीन बक्षीसही देण्यात आली. टू व्हीलर मध्ये मदन चव्हाण,ट्रॅक्टर मध्ये नेताजी वचणे, अवजड वाहनांमध्ये दिगंबर गायकवाड यांनी क्रमांक पटकावला. कार्यक्रमाची बक्षिसे,उपरणे व इतर खर्चाचे प्रायोजकत्व सरपंच तेजाबाई मिटकर यांनी घेतले होतेया कार्यक्रमासाठी जळकोट येथील सचिन कदम चेअरमन प्रयाग मल्टीस्टेट,ब्रम्हानंद कदम ,संचालक पार्वती कन्या प्रशाला,प्रमोद सावंत, एच.आर.हेड,एमक्यूअर फार्मास्यूटिकल पूणे,श्रीकृष्ण कदम सहशिक्षक,दिनकर कलाल संचालक ज्ञानदीप क्लासेस,श्रद्धानंद स्वामी मुख्याध्यापक यांची प्रमुख उपस्थिती होती.यांनीच वाहनांचे परीक्षण केले.या कार्यक्रमाला गावातील ग्रामस्थ मोठ्या संख्येने उपस्थित होते.
